Lankidetza-hitzarmena sexu-jazarpena eta sexu-abusua prebenitzeko sinatu dute Euskadiko Federazioak eta Eusko Jaurlaritza

Gaurko eguna, Emakumeen aurkako Indarkeria Desagerrarazteko Nazioarteko Eguna dena, mundu osoan emakumeen aurka erabiltzen den indarkeria salatu eta hura desagerrarazteko herrialde guztietan politikak eskatzeko egunean, Euskadiko Kanoe Federazioak lankidetza-hitzarmena sinatu du Eusko Jaurlaritzarekin, kirolean sexu-jazarpena eta -abusua prebenitzeko

 

Hitzarmen honen xedea da, Euskal Federazioaren eta Jarduera Fisikoaren eta Kirolaren Zuzendaritzaren arteko lankidetza-esparrua ezartzea, kirol federatuaren jardueraren esparruan sexu-jazarpena eta -abusua eta sexuan oinarritutako jazarpena prebenitzeko, ikertzeko eta, hala badagokio, zehatzeko.

 

  1. Sexu-jazarpen eta -abusuei eta sexuan oinarritutako jazarpenei aurre egiteko prebentzio- eta zehapen-erregelamendu bat onartzea, Jarduera Fisikoaren eta Kirolaren Zuzendaritzak horretarako ezarritako ereduari jarraituz.
  2. Beharrezkotzat jotzen denean, sexu-jazarpen eta -abusuei eta sexuan oinarritutako jazarpenei aurre egiteko prebentzio- eta zehapen-erregelamendua aldatzea.
  3. Jarduera Fisikoaren eta Kirolaren Zuzendaritzarekin lankidetzan aritzea hark, Euskal Kirol Federazioen Batasunarekin elkarlanean, kirol federatuaren eremuko sexu-jazarpena eta -abusua eta sexuan oinarritutako jazarpena prebenitzeko egiten dituen jarduketetan.
  4. Kiroleko sexu-jazarpen eta -abusuei eta sexuan oinarritutako jazarpenei buruz Jarduera Fisikoaren eta Kirolaren Zuzendaritzak argitaratzen duen informazio eta dokumentazio guztia zabaltzea.
  5. Jarduera Fisikoaren eta Kirolaren Zuzendaritzak Euskal Kirol Federazioen Batasunaren bitartez antolatutako dibulgazio-, prestakuntza- eta sentsibilizazio-kanpaina eta -jardunaldietan parte hartzea.

 

Facebook
Twitter
LinkedIn
Email
Euskalkanoe
Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.