Bi urre eta zilar bat Españako kadeteen 1000mtako kopan 2018

Written on 24 Maiatza 2018.

Verducidon jokatu zen aurreko asteburuan Españako kadeteen 1000mtako kopa, bertan emaitza bikainak eskuratu zituztelarik euskal ordezkariek.

Bi urre eskuratu zituzten S.D.Santiagotarrak-eko neskek, Maddalen Arsuaga, Irene Gorrotxategirekin batera, lehenengo sailkatu ziren K-2 modalitatean. Eta gero, beraien taldekide diren Uxue Arsuaga eta Eider Amundarainekin gauza bera egin zuten K-4ean.

Gainera, beraien taldeki diren Ekaitz Aizpiolea eta Alex Anatol bigarren izan ziren gizonezko k-2an.

Emaitza horiez gain, finaletara iritsi zirenak ere badira, Eider Amundarain (S.D.Santiagotarrak) emakumezko kadete B K-1 mailan, zazpigarren izanik, postu bera eskuratu zuen emakumezko kadete A K-1ean Aiora Irazuk (Donostia Kayak K.E.) eta azken honek bera taldekidea den Laura Zunzunegirekin batera, postu berbera eskuratu zuten, K-2 emakumezkoetan.

Kluben sailkapen nagusiari dagokionez, S.D.Santiagotarrak, lehenengo hamarretan sailkatzea lortu zuen, bederatzigarren izanik.