2020 RFEP-lako mintegi teknikoa

Written on 26 Abendua 2019.

Real Federación Española de Piraguismok, 2020rako ur lasaietako mintegi tekniko bat antolatuko du urtarrilaren 18an, Sevillako CEAR-ean.

Izen-ematea doakoa da, posta elektroniko bat Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. bidal daiteke edo hura hurrengo estekaren bidez egin:.

https://docs.google.com/forms/d/e/1FAIpQLSfjL1y3q3mndNGfsPzlJGs7SXG8hCG_YVCeI97YkaElIDiFOQ/viewform?usp=sf_link

Mintegiko diptikoa

Basque Team-eko urteko gala

Written on 26 Abendua 2019.

Abenduaren 23an, Basque Team-ek bere urteroko gabonetako gala ospatu zuen, kirolari asko Bildu zirelarik, besteak beste, piragüista asko bertaratu zirelarik. Horietak batzuk, Egukilore urdina jaso zuten, denboraldian zehar buruturiko lan bikainagatik.

Agurrentzako tokia ere izan zen, Irati Goikoetxeak, Goi-mailako kirol ibilbide luze bati amaiera eman diolarik, besteak beste honako emaitza hauek nabarmenduz: bi zilarrezko domina Europak Txapelketetan, 2014 eta 2017an patrulletan, patrulletan garaipena 2015eko Munduko kopan, 2014ko Munduko kopako hirugarren postua patrulletan, finaletara iritsiz banakako mailan Munduko Kopa zein Txapelketetan.

Ekitaldiari amaiera emateko, Bingen Zupiria Kultura eta Hizkuntza Politikako sailburuak ekitaldia itxi zuen, ekitaldirako espreski diseinaturiko kamiseta entregatuz, Joko Olinpikoetarako txartela edo lehiatzeko gutxieneko minima lortu duten kirolariei, besteak beste, Maialen Chourruat, Ander Elosegi, Iñigo Peña eta Higinio Riverori.

Kudeaketa aurreratuan ziurtagiria

Written on 19 Abendua 2019.

Euskadiko Kanoe Federakuntzak atzoko egunean Kudeaketa aurreratuaren aitortza eta ziurtagiria jaso zituen.

Euskalitek Eusko Jaurlaritzaren Kudeaketa Aurreratuari Saria kudeatzen du, eta helburua da, euskal erakunderik kudeaketa aurreratuenak aitortzea eta kudeaketako praktikarik onenak identifikatzea.

Modu honetan, Euskadiko Kanoe Federakuntzak Eusko Jaurlaritzaren aitortza hau jasotzen du, Kudeaketa Aurreratuaren Diploma jasoz, kudeaketa Aurreratua osatzen duten elementuak garatzeko konpromisoa ere erakusten duela ulertuz.

2020ko Slalomeko Kopari hasiera eman zaio

Written on 16 Abendua 2019.

Bergaran jokatu da Slalomeko XXII. Koparen lehenengo proba.

Atletico S.S, izan zen garailea, bigarren S.D.Santiagotarrak eta hirugarren etxeko Beti Busti K.E.

Banakako probetan, gizonezko senior K-1ean, Hasier Rodriguez (S.D.Santiagotarrak) izan zen garailea, bere taldekidea den Haritz Azanza izan zen gizonezko junior K-1ean garaile eta Javier Arruabarrena (S.D.Santiagotarrak) kadete K-1ean izan zen azkarrena. Beteranotan, Urko Zabaleta (S.D.Santiagotarrak) izan zen lehena.

Emakumezko K-1ean, Olatz Arregi (ATSS) izan zen senior mailako garailea, Xanet Etxarri (ATSS) emakumezko juniorretan lehena eta Leire Goñi (ATSS) kadete mailan lehena izan zen, emakumezko guztien artean, bigarren denborarik onena markatuz.

Gizonezko kanoan, Adner Elosegi (S.D.Santiagotarrak) izan zen parte hartzaileen artean, senior mailan nagusitu zelarik, Oier Rodriguez (S.D.Santiagotarrak) junior mailan izan zen garailea eta kadeteetan Markel Imaz (ATSS).

Emakumezko kanoan, Miren Lazkano (ATSS), sorbaldako ebakuntzaren ostean, bueltan izan zen lehian eta garaipena eskuratu zuen. Kadete mailan, Leire Goñik (ATSS) garaipena eskuratu zuen, jardunaldiko bigarren urrea eskuratuz.

Maialen Chourraut Agindu Olinpikoarekin saritua

Written on 13 Abendua 2019.

Joan den asteazkenean Espainiako Batzorde Olinpikoak bere urteroko festa ospatu zuen, sari desberdinak banatu zirelarik. Saritutakoen artean, aurkitzen zen bidominadun olinpikoa, urrea 2016 Rion eta brontzea 2012 Londresen brontzean, Maialen Chourraut, Agindu Olinpikoa jaso zuena.
Saritutakoen artean, piraguismoko hainbat ordezkari, Miguel Garcia entrenatzailea, egon zen, baita ere RFEP-eko Lehendakaria, Juan Jose Roman eta RFEP bera ekitaldian saritu ziren. Eta Patxi Perurena Piraguismoko Nazioarteko Federazioaren Lehendakaria.

Abenduaren 15ean, Slalom-eko Euskadiko Kopari hasiera emango zaio.

Written on 05 Abendua 2019.

Datorren abenduaren 15ean, Euskadi XXII. Slalom-eko kopari hasiera emango zaio Bergaran. Lehenengo proba puntuagarria izango delarik, Kopa osatzen duten, bost probetatik.

Goizeko 10:00h-tan emango zaio hasiera, lehenago, 9:00htan talde-buruen bilera ospatuko delarik eta 9:30htan erakustaldia izango delarik.

Izenemateak, abenduaren 11, asteazkena baino lehen bidali beharko dira.

Gogorarazten delarik, denboraldi berriari dagokion lizentzia bideratua izan beharko dela.

Gonbidapena

2020ko erkidegoko probak antolatzeko eskaeren epea zabaldu da

Written on 27 Azaroa 2019.

Ohar honen bitartez, 2020ko erkidegoko egutegiko probak antolatzeko eskaeren epea zabaldu denaren berri ematen da.

Hemen topatuko duzue informazioa.

2005 eta 2017 bitartean Euskal Autonomi Erkidegoan buruturiko igaroaldiko entrenatzaile formakuntzen baliokidetza eskatzeko gogorarazpena

Written on 27 Azaroa 2019.

2017ko abenduaren 31a baino lehen diploma eskuratu zuten pertsonek, Espainiako Hezkuntza, Kultura eta Kirol Ministerioari dagokion prestakuntza horren hezkuntza-aitorpena: baliokidetza (baliokidetza profesionala, baliozkotzea edo/eta homologazioa).

Alde batetik, Kanoe modalitateko kirol irakaskuntzak hezkuntza-sisteman sartzen dituen dekretuen argitaratzeak eta, bestetik, 2005 eta 2017 bitartean egindako igaroaldiko ikastaroaren onarpen-ebazpenaren argitaratzeak aurretik egindako ikasketak aintzat hartzeko bidea irekitzen da.

Sistema akademikoaren irakaskuntza berriek erregimen bereziko kirol-irakaskuntzak dute izena, eta erdi mailan eta goi mailan banatuta daude (Lanbide Heziketaren egituraren parekoa).   Egindako ikasketa-mailaren arabera lortu daitekeen aitorpena honako taula honetan adierazita dago:

Aitorpenaren eskabidea indibiduala da eta Hezkuntza, Kultura eta Kirol Ministerioari egin behar zaio. Jarraitu beharreko prozedura honako hau da:

• Homologatzeko edo/eta lanbide-baliokidetzarako eskabide-orria bete behar da. Sakatu hemen.
  • Honako hau aukeratu klik eginez: Solicito la homologación del diploma de entrenador deportivo obtenido durante el "periodo transitorio" (posterior al año 1999).

• Formulario hori Espainiako Hezkuntza, Kultura eta Kirol Ministerioari bidali behar zaio honako agiri hauekin batera:
  • Dagokion titulu akademikoaren fotokopia konpultsatua.
  • Kirol entrenatzailearen diplomaren fotokopia konpultsatua.

• Dokumentazioa aurkezteko bideak honakook dira:
  • Interneten bitartez: CSD-ren Bulego Birtualean
  • Posta arruntaren bidez: Secretaría General del Consejo Superior de Deportes en la calle Martín Fierro s/n 28040 MADRID
  • Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4. artikuluan aurreikusitako edozein tokitan.

Dokumentazioa bidali eta gero, Hezkuntza, Kultura eta Kirol Ministerioak ebazpena ematen du, gehienez, 6 hilabeteko epean eta horren berri ematen dio interesdunari.

Gogorarazpena, 1999aurreko Piraguismoko aurreko Federazio-Prestakuntzen Homologazio, Baliozkotze eta Baliokidetza Profesionala

Written on 27 Azaroa 2019.

1999ko uztailaren 14a baino lehen sustatutako piraguismoko federazio-prestakuntzen aitorpenaren inguruko Kirol Kontseilu Gorenaren Presidentearen ebazpena argitaratua izan zen. Ebazpen horren bitartez, prestakuntza horiek hezkuntzako titulazio berriekiko lor ditzaketen onarpen-efektuak ezartzen dira: baliokidetza profesionala, baliozkotzea edo/eta homologazioa.

Piraguismoko kirol-teknikariaren 981/2015 Dekretuaren eta goi mailako kirol-teknikariaren 983/2015 Dekretuaren bitartez kirol-modalitate horretako irakaskuntzak hezkuntza-sisteman sartzen dira. Beraz, prestakuntza horien gainditzeak erdi mailako eta goi mailako titulu akademikoak eskuratzeko aukera ematen du (Lanbide Heziketaren egituraren parekoa).

Dekretuak baimentzen du aurretik kirol-sistemaren barne egindako prestakuntzak (igaroaldikoak zein 1999ko uztailaren 14a baino lehenagoko federazio-prestakuntzak) aitorpena jasotzea eta titulazio akademikoen parekotasuna eskuratzea (baliokidetza profesionala, baliozkotzea edo/eta homologazioa).

Duela gutxi argitaratu da Kirol Kontseilu Gorenaren Presidentearen 2017ko apirilaren 24ko ebazpena, non 1999ko azaroaren 8ko Aginduaren bitartez sortu zen Batzordeak onartzen dituen irizpideak eskuratzeko aurretik egin diren piraguismoko prestakuntzen homologazioa, baliokidetza edo baliokidetza profesionala. Ebazpen horrek ikasleek federazio-prestakuntzak egin izanagatik lor ditzaketen onarpen-efektuak ezartzen ditu, hain zuzen ere 1999ko uztailaren 14a baino lehen sustatutako federazio-prestakuntzak eta 2016ko martxoaren 11ko Ebazpenean argitaratutakoak.

Aitorpena lortu nahi dutenek (baliokidetza profesionala, baliozkotzea edo/eta homologazioa) eskabide indibiduala egin beharko dute, Hezkuntza, Kultura eta Kirol Ministerioari egin behar zaiona. Eskabidea egiteko hamar urteko epea dago, lehen aipatu den ebazpenaren (batzordearen aitorpen irizpideena) argitaratze-egunetik aurrera.

1999ko uztailaren 14a baino lehenagoko federazio-prestakuntzak burutu dituzten ikasleek jarraitu behar duten eskaera-prozedura honako hau da:

- Homologatzeko edo/eta lanbide-baliokidetzarako eskabide-orria bete behar da. Sakatu hemen.

• Honako hau aukeratu klik eginez:

Solicito la homologación o la equivalencia profesional, según proceda, del diploma de entrenador deportivo, militar o de la Guardia Civil, anterior al año 2000.

- Formulario hori Espainiako Hezkuntza, Kultura eta Kirol Ministerioari bidali behar zaio honako agiri hauekin batera:

• Dagokion titulu akademikoaren fotokopia konpultsatua (bakarrik homologazioa eskatzekotan)
• Entrenatzaile gisa gutxienez 3 urtetan aritu izanaren ziurtagiria (eredu honi jarraiki).

Entrenatzaileek, eskaerarekin batera, gutxienez hiru urtetako entrenatzaile, kirol hastapen monitore, kirol kudeatzaile edo zuzenean erlazionaturiko, zikloari edo tituluaren perfil profesionalari dagokion, eta homologatu nahi den, beste edozein funtzio burutu izanaren esperientzia egiaztatu beharko da. RFEP-lak, klub edo enpresak edo IAE-n altarekin, buruturiko jarduera esanguratsuenen ziurtagiri batekin. RFEP-lak, ziurtagiriak, jasotako ordenaren arabera erantzungo die.

• Entrenatzailearen titulua duela adierazten duen egiaztagiri eguneratua, Espainiako dagokion federazioak emana.

- Dokumentazioa aurkezteko bideak honakoak dira:

• Interneten bitartez: CSD-ren Bulego Birtualean
• Posta arruntaren bidez: Secretaria General del Consejo Superior de Deportes enla calle Martín Fierro s/n 28040 MADRID
• Herri Administrazioen Araubide Juridikoari eta Administrazio Prozedura Erkideari buruzko azaroaren26ko 30/1992 Legearen 38.4. artikuluan aurreikusitako edozein tokitan.

Dokumentazioa bidali eta gero, Hezkuntza, Kultura eta Kirol Ministerioak ebazpena ematen du, gehienez, 6 hilabeteko epean eta horren berri ematen dio interesdunari.