Lekeition jokatuko da kayak surfeko Euskadiko Kopako 3. proba
Lekeitioko D-Zanga klubak, kayak surfeko Euskadiko Kopako 3. Proba martxoaren 26ean egiteko asmoa du, baldintzak emanez gero.
Hemen aurkituko duzue gonbidapena.
Euskadiko K-2 Txapeleta martxoaren 27an ospatuko da
Martxoko azken asteburuan, Euskadiko K-2 Txapelketa zegoen programaturik, martxoak 26, larunbaterako. Proba azkenean, martxoaren 27, igandean jokatuko da.
Hemen topatuko dituzue gonbidapen eta oinarriak.
Euskadiko Slalomeko Kopako 3. proba atzeratu da. Euskadiko Extrem txapelketa
Slalom extrem modalitateak itxaron egin beharko du estreinatzeko, Euskadiko Slalom kopako 3. proba atzeratu egingo baita. Datorren martxoaren 27rako aurreikusia zegoen txapelketa.
Proba egiteko beste data bat ezarri bezain laster jakinaraziko da.
Espainiako Slalom-eko kopa bikaina Pau 2022
Ia kategoria guztietan egon da palista euskaldun bat podiumean. Urrezko 8 domina, zilarrezko 10 domina eta brontzezko 10 domina eskuratuta, euskal klubek lehenengo eta bigarren postuak eskuratu dituzte, Atletico San Sebastian eta S.D.Santiagotarrak, hurrenez hurren.
Banakako emaitzei dagokienez, Klara Olazabalek (S.D.Santiagotarrak) bikain arituta, urrezko bi domina irabazi zituen bi jardunaldietan, Senior C-1 emakumezkoetan. Bere klubekoa den kirolari olinpikoak, Ander Elosegik urrea eskuratu zuen bigarren jardunaldian, eta zilarra lehenengoan. Leire Goñi (ATSS) ere palista nabarmenetako bat izan zen asteburuan, emakumezko junior K-1 mailan, lehenengo sailkatuz bi jardunaldietan, eta C-1ean zilarra lehenengo jardunaldian. Bere taldekidea den Nora Lopez-ek ere urrea eskuratzen zuen bi jardunaldietan emakumezko junor C-1ean eta zilarra lehenengo eguneko K-1ean. Markel Imazek (ATSS) kolore bakoitzetik domina bat eskuratu zuen, urrea, bigarren egunean gizonezko junior C-1ean, zilarra bigarren eguneko gizonezko junior K-1ean eta brontzea, lehenengo egunean gizonezko junior c-1ean.
Miren Lazkano (ATSS) zilarra izan zen senior C-1 emakumezkoetan eta brontzea senior K-1 emakumezkoetan lehen egunean. Pau Etxanizek (ATSS) zilarra lortu zuen bi jardunaldietan K-1 gizonezkoetan. Alex Segurak (ATSS) zilarra junior C-1 gizonezkoetan, lehen egunean eta brontzea, bigarren egunean kategoria berean.
Aitor Iriondo (S.D.Santiagotarrak) zilarra izan zen lehenengo egunean junior K-1 gizonezkoetan, Maite Odriozola (ATSS) zilarra bigarren egunean junior K-1 emakumezkoetan.
Raul Barbak (ATSS) brontzea eskuratu zuen bi jardunaldietan K-1 gizon beteranoan. Maialen Olaso (S.D. Santiagotarrak) hirugarren izan zen lehenengo egunean junior K-1 emakumezkoetan eta bigarren egunean junior c-1 emakumezkoetan.
Malen Gutierrezek brontzea lortu zuen Junior C-1 mailako emakumezkoetan lehen egunean. Haizea Segurak (ATSS) brontzea lortu zuen Junior K-1 mailako emakumezkoetan bigarren egunean. Eta Telmo Olazabalek (S.D.Santiagotarrak) bigarren jardunaldiaren amaieran brontzezko domina lortu zuen senior K-1 mailan.
Hurrengo hitzordua Euskadiko Kopako 2. proba izango da San Miguelen, martxoaren 26an.
Kayak Surf-eko epaileen ikastaroa
Kayak Surf-eko epaile ikastaro berri baten deialdia.
Euskadiko Kanoe Federakuntzak Kayak Surf-eko epaileen ikastaro bat antolatuko du.
Modalitate zehatz honetarako, epaileak prestatzeko beharra dela eta, etorkizuneko kayak surf-eko epaileentzako beharrezko dokumentazioa sortu eta landu da.
Puntuazioko zein, Epaile Buruak prestatuko dira. bigarren edizio honetan, bi ikastaroak aldi berean burutzeko aukera egongo da. Formakuntzak atal ezberdinak izango ditu. Alde Batetik, EKF-tzako araudi nagusi eta teknikoa landuko da, eta ondoren kayak surf-eko araudi espezifikoa zein maniobra edo mugimenduak. Amaieran, azterketa teorikoa zein praktika batzuk burutu beharko direlarik.
Hemen topatuko duzue informazioa.
Gainera, igande arratsaldean, birziklatze jardunaldi bat ospatuko da, kayak surf-eko emaitzen kudeaketa programa ezagutzeko.
Hemen topatuko duzue birziklatze jardunaldiaren ingurukoa.
Pauek slalomeko Liga Olinpikoko bigarren proba hartuko du
Gaur izango da erakustaldia eta bihar goizean emango zaio hasiera, Slalomeko Liga Olinpikoaren 2. probari Pau-n. Atletico San Sebastianen eta S.D.Santiagotarraken antolakuntza lanari esker.
200 dortsal baino gehiago izango dira irteeran, eta larunbat zein igande goizean 8: 30etik aurrera emango zaio hasiera.
Palistarik onenak ikusiko ditugu bertan lehiatzen, hala nola Ander Elosegi, Klara Olazabal Miren Lazkano, Pau Etxaniz, Olatz Arregi eta etorkizuneko kirolariak. Maialen Chourraut eta Joan Cresporen falta nabarmenarekin.
Emakumearen nazioarteko eguna
Gaur, martxoak 8, Emakumearen Nazioarteko Eguna ospatzen da. Oraindik asko dago egiteko eta guztiok lan egin behar dugu zaintzaren banaketan, soldata-arrakalan, kontziliazioan dauden desberdintasunak desagertarazteko.
Beste arlo guztietan bezela, kirol munduan ere desberdintasunak badira eta guztion ardura da desberdintasun horiek agerian jarri eta benetako berdintasunaren alde lan egitea.
Animo neskak, lortuko dugu!
Euskadiko Neguko Txapelketan partehartze rekorra izan da
Aurten ere, Bidasoa ibaia izan da Neguko Euskadiko Txapelketaren eszenatokia, eta 200 lagun baino gehiagok parte hartu dute bertan.
Kluben araberako sailkapenean, etxeko S.D.Santiagotarrak izan zen garaile, bigarren Itxas-gain Zumaiako Urola Itsas-adarreko P.K. eta hirugarren Pasaia Kayak 2005 K.K.
Banakako sailkapenean, senior K-1 mailan Eneko Egiguren izan zen garailea, 23 urtez azpiko kategorian Beñat Arsuaga taldekidea, K-1 mailako junior mailan Martin Miranda S.D.Santiagotarrak taldekoa eta kadete mailan K-1 mailakoa Markel Juaristik itxi zuen Santiagotarraken garaipen sorta gizonezkoetan.
Beteranoetan, erkidego mailanm adin tarteak estreinatuz, 35-39 urte bitarteko kategorian, Aritz Fernandez (ATSS), 40-44 Imanol Burguera (Donostia Kayak K.E.), 45-49 Oier Aizpurua (Itxas-Gain Zumaiako Urola Itsas-adarreko P.K.) 50-54, bere klubeko kidea, Xabier Osa, 55-59 urte bitartekoetan, Rafa Quevedo (Barrika P.T.), 65-69 urtetan Juan Carlos Larrea (Getxo Kayaka) eta 70-74 urtetan, txapelketako beteranoena, Javier Perez (Getxo Kayaka).
K-1 emakume seniorretan, Begoña Lazkanok (Donostia Kayak K.E.) irabazi zuen, 23 urtez azpiko emakumeetan Irene Ganak (Barrika P.T.), K-1 emakume juniorretan Josefa Molinak (Itxas-Gain Zumaiako Urola Itsas-Adarreko P.K.) irabazi zuen, eta K-1 Kadete mailan, Malen Juaristik (S.D.Santiagotarrak). 35-39 urteko emakume beteranoetan, Eukene Saenz (Pasaia Kayak 2005 K.K.) izan zen garailea, 40-44 bitartean Maite Etxabe (Itxas-Gain Zumaiako Urola Itsas-Adarreko P.K.) izan zen azkarrena.
Kanoari dagokionez, Aitor Zabala (S.D.Santiagotarrak) izan zen irabazlea C-1 seniorretan, C-1 23 urtez azpikoan Jesus Bandrés (Iruñeko PK) izan zen garailea, junior mailan Peio Satrustegi bere klubeko kidea eta kadeteetan Iker Castaño (S.D.Santiagotarrak). Emakumeetan, 23 urtez azpiko kategorian, Gema Victoria (Barrika P.T.) izan zen irabazlea, eta kadeteetan, Ane Eileen Mesa klubeko kidea.
Euskadiko Slalom Kopako 1. Proba berriro atzeratu da
Martxoaren 6ean, Orthezen, slalomeko Euskadiko Kopako 1.go proba jokatuko zen, baina beste behin, atzeratu beharra izan da.
Beste data bat ezarriko da lehiaketa egiteko.
2022.urteko Neguko Gipuzkoako Txapelketa ospatu da
Eguraldia lagun, piraguismoko egun batez gozatzea izan zen Urola ibaian. Gipuzkoako Txapeldun tituluak jokoan zeudelarik.
Kluben araberako sailkapenean, S.D.Santiagotarrak nagusitu da, bigarren Pasaia Kayak 2005 K.K. eta hirugarren Itxas-Gain Zumaiako Urola Itsas-Adarra.
Banakako sailkapenean, Ion Carballok (Pasaia Kayak 2005 K.K.) Martin Egañari (Itxas-Gain Zumaiako Urola Itsas-Adarra P-K.) irabazi zion K-1 senior mailan. 23 urtez azpiko mailan, Beñat Arsuagak (S.D. Santiagotarrak) irabazi zion helmugan, Aimar Amundarain klubeko lagunari, esprint estua eginda. Junior mailan, Martin Miranda (S.D.Santiagotarrak) izan zen irabazlea. Kadete mailan, helmuga estua, Iñigo Irastorzak garaipena lortuz, Markel Juaristi eta Alejandro Aranaren aurka, guztiak S.D.Santiagotarrakekoak. Gizon beteranoa +50, Xabi Osa (Itxas-Gain Zumaiako Urola Itsas-adarreko P.K.) gailendu zen nagusitasunez. Beterano -50 esprint estuan, Oier Aizpuruak Imanol Burguera (Donostia Kayak K.E.) gainditu zuen.
Senior mailako emakumeei dagokienez, Irati Osa zumaiarrak (Itxas-Gain Zumaiako Urola Itsas-adarreko P.K.) lortu zuen garaipena. 23 urtez azpikoa garailea Irene Gana (Barrika P.T. zan zen), eta Junior mailako emakumezkoetan, Josefa Molina (Itxas-Gain Zumaiako Urola Itsas-adarreko P.K.). Emakume kadeteetan, Malen Juaristik (S.D.Santiagotarrak) Marina Lizarragari (C.P.Pamplona) gailendu zitzaion. Emakume beteranoetan, Maite Etxaber (Itxas-Gain Zumaiako Urola Itsas-adarreko P.K.) izan zen irabazlea.
Gizonezkoetan senior C-1, lehenengo postua Sergio Aranarentzat (S.D.Santiagotarrak). Gizonezkoetan junior C-1, Jesus Bandres (C.P.Pamplona) izan zen azkarrena. C-1 kadete mailan Iker Castaño (S.D.Santiagotarrak) izan zen irabazlea.
Emakumezkoetan, 23 urtez azpiko C-1ean, Maria Esarte (Iruñea) izan zen irabazlea. Eta emakume Kadete C-1ean, Ane Eileen Mesa (Barrika P.T.) izan zen irabazlea.
Copa Euskadi Rios Barrika 2021
