Higinio Rivero munduko txapeldunorde

Written on 20 Iraila 2021.

Higinio Rivero (Barrika P.T.) euskal paracanoistak bere historia handitzen jarraitzen du, metal berri batekin, kasu honetan zilarra Munduko Sprint Txapelketan, VL2 200m proban, Danimarkan jokaturiko txapelketan. Horrela denboraldi bikain bat itxi du, non bigarren postua lortu duen Europako Txapelketan eta brontzezko domina Munduko Kopan, baita seigarren postua ere Paralinpiar Jokoetan.

Bestalde, beste euskal parte-hartzaileak, Begoña Lazkanok (Donostia Kayak K.E.) ezin izan du K-4 500m emakumezkoen finalerdia gainditu, seigarren izan da eta finaletik kanpo geratu da.

Sprint-eko Munduko Txapelketa abian

Written on 16 Iraila 2021.

Higinio Riverok (Barrika P.T.) Paralinpiar Jokoetatik itzuli eta gero, datozen egunetan, DAnimarkan jokatuko den Munduko Sprint Txapelketa parte hartuko du.
Gaur jokatu du kanporaketa eta irabazi ostean, VL2 200mko finalerako zuzeneko txartela lortu du.
Beste euskal ordezkaria Begoña Lazkano (Donostia Kayak K.E.) da, K-4 500m txapelketa jokatuko duena, eta bihar, ostirala, 11: 44ean, lehen kanporaketa jokatuko du, non lehen hiru sailkatuek finalerako zuzeneko txartela lortuko duten. Bestela, finalerdietatik pasa beharko du larunbat eguerdian, igandean 12: 39an finala jokatzeko.
Zorte on!

Kayak Surfeko Europako Txapelketa aurkeztu da gaur

Written on 16 Iraila 2021.

Gaur aurkeztu dute asteburu honetan Sopelan jokatuko den Kayak Surf Txapelketa. Ekitaldian izan dira, Jon Redondo, Eusko Jaurlaritzako Jarduera Fisikoaren eta Kirolaren zuzendaria, Sopelako Udalaren ordezkari gisa; Amaia Genetxea, Txema Carreto, Euskadiko Piraguismo Federazioko Kayak surfeko kidea; eta Andreas Orive, Barrika PTko presidentea.
Euskadi faborito nagusia da, 2019an Munduko txapeldun izan ostean.

7 lurraldeetako 64 kirolari arituko dira lehiatzen.
Banakako partaidetzari dagokionez, Odei Etxeberria eta hodei Crujeiras izango dira Openean, bai ontzi laburretan bai luzeetan favorito nagusiak.
Ainhoa Tolosa, Olatz Garmendia eta Irati Bordagaray emakumezkoetan.
Edu Etxeberria masterrean IC zein HP.
Txema Carreto, Luis Abando eta Ruben del Río Grand Masterrean.

Urrea Joan Cresporentzat eta finala Miren Lazkano eta Maialen Chourrautentzat

Written on 13 Iraila 2021.

Pauen jokatu den Munduko Kopako finala bukatuta, Joan Crespok (S.D.Santiagotarrak) Urrezko domina lortu du, Paris-en olinpikoa izango den, slalom extrem modalitate berrian. Modalitate tradizionalean, finalerdietan geratu zen 27. postuarekin.
Zazpigarren postua Miren Lazkanorentzat C-1 emakumetan. K-1ean ezin izan du finalerdietatik pasa, 28. izanez. Extremen final-zortzirenetan geratu da 19. postuan.

Maialen Chourraut (ATSS) zortzigarren izan da K-1eko finalean, kanporaketan, laugarrenen, eta finalerdian, bigarren denborarik azkarrenak markatu ostean, baina finalean zortzigarren postuarekin konformatu behar izan du.
Extremen final-zortzirenetara iritsi da 18. postuan.
Pau Etxaniz (ATSS) 32. izan da K-1ean. 38. amaitu du extremen.
Klara Olazabal (S.D.Santiagotarrak) 13. izan da C-1 emakumezko mailan, finalerako ateetan geratuz. Extremen 33º izan da.
Olatz Arregi 13 izan da extrem modalitatean.
Ander Elosegik (S.D.Santiagotarrak) 19. bukatu du,  gizonezko C-1 finalerdietan.
Hurrengo hitzordua Bratislavan izango da, Munduko Txapelketan, hamabost egunetan.

Bi urre eta bi zilar Españako ibai eta zeharkaldien txapelketan

Written on 11 Iraila 2021.

Joan den larunbatean Espainiako Ibai eta zeharkaldien Txapelketa ospatu zen Villaviciosan eta euskal palistek 4 domina lortu zituzten. 2 urre eta 2 zilar.
Irati Osa eta Xabier Osa (Itxas-Gain Zumaiako Urola Itsas-adarreko P.K.) izan ziren garaileak K-2 mixto seniorretan. Javier Perezek (Getxo Kayaka) ere urrea lortu zuen, 70-74 urte arteko taldean palistarik beteranoena izanik.
Zilarra Imanol Burguerarentzat (Donostia Kayak K.E.) 40-44 urteko gizon beteranoetan eta Eider Amundarainentzat K-1 emakume juniorrean.

Klubekako sailkapenean, S.D.Santiagotarrak-ek bigarren postua lortu zuen.

Atzeratua kayak surfeko proba

Written on 10 Iraila 2021.

Asteburu honetan Mundakan ospatzekoa zen Euskadiko Kopako proba atzeratu egin da, itsasoko baldintzak direla eta. Oraindik ez da data berria zehaztu.

Plenoa Paueko Munduko Kopan

Written on 10 Iraila 2021.

Gaur eman zaio hasiera Pauen jokatuko den Slalom-eko Munduko Kopako finalari eta euskal palista guztiak finalerdietara pasa dira.
Maialen Chourraut (ATSS) laugarren izan da lehen txandan.
Miren Lazkanok (ATSS) bigarren txanda behar izan du kayakean. C-1 modalitatean, seigarren izan da eta finalerdietara pasa da, Klara Olazabal (S.D.Santiagotarrak) bezala, hamargarren izan dena.
Joan Crespo (S.D.Santiagotarrak) 21. eta Pau Etxaniz (ATSS) 30. Izan dira eta finalerdietarako sailkatu dira.
Ander Elosegi (S.D.Santiagotarrak) hamaikagarren izan da eta finalerdietara pasa da gizonezko kanoan.
Bihar kayakisten txanda izango da, euren finalaurrekoekin eta finalekin. Eta slalom extrem-eko sailkapen errondetan, non Miren Lazkano, Klara Olazabal eta Olatz Arregi emakumezkoetan eta Joan Crespo eta Pau Etxaniz gizonezkoetan arituko diren.

Igandean, canoen txanda izango da eta extem-eko finalak.

Zorte on!

Zilarra eta Brontzea Munduko Junior eta Sub23 Sprint Txapelketan

Written on 06 Iraila 2021.

Portugalen, Montemorren edo Velhon jokatu da Sprint-eko junior eta 23 urte azpikoen Munduko Txapelketa eta balantzea ezin hobea da.
Lau palista aritu dira lehiatzen, Nerea Garcia (S.D.Santiagotarrak), K-2 200m emakume 23 urtez azpikoan aritu dena, non munduko txapeldunorde izendatu den eta finalera ere iritsi den, K-4 500m Emakume 23 urtez azpiko ontzian, zazpigarrena izanez.

Arsuaga haizpek, Maialen eta Uxuek(S.D.Santiagotarrak) K-2 200m emakume juniorra mailan, munduko hirugarren izan dira. Gainera, Maialenek K-2 500m txapelketa jokatu du, B finalean zazpigarren izanik. Uxue K-2 mixto 500mtan ere aritu da, non seigarren izan den.
Aitor Gorrotxategik, S.D. Santiagotarrak taldeko laugarren kideak, bi K-1, 1000m eta 500m lasterketak jokatu ditu. Bosgarren izan da K-1 1000m-ko B finalean eta K-1 500m-ko B finala irabazi du.

Hamabost egunen buruan, seniorren taldeak Munduko Txapelketa jokatuko du Danimarkan.

Hamabost domina Espainiako Itsas Kayak Txapelketan

Written on 06 Iraila 2021.

Castellon izan da itsas kayakeko Espainiako Txapelketaren eszenatori, eta euskal palistek 15 domina lortu dituzte guztira:
9 urre, 4 zilar eta 2 brontze.

Urrea:

                Irene Gana (Barrika P.T.) emakumezko 234 urtez azpiko K-1

                Maite Etxabe (Zumaiako Urola Itsas-adarreko P.K.) Emakumezko beterano 40-44 urte

                Cristina Iraeta (ATSS)Emakumezko veterano 55-59 urte

                Fran Llera (Barrika P.T.) Gizonezko beterano 40-44 urte

                Jose Mari Villagarcia (Zumaiako Urola Itsas-adarreko P.K.) Gizonezko beterano 45-49 urte

                Manuel Melara (Amuitz Outrigger P.K.) Gizonezko beterano 50-54 urte

                Rafael Quevedo (Barrika P.T.) Gizonezko Beterano 55-59 urte

Eñaut Aizpurua- Maite Etxabe (Zumaiako Urola Itsas-adarreko P.K.) K-2 Mixto Beteranoa

Fran Llera- Rafael Quevedo (Barrika P.T.) Gizonezko Beterano 40-44 urte K-2

Zilarra:

                Eñaut Aizpurua (Zumaiako Urola Itsas-adarreko P.K.) gizonezko Beterano 45-49 urte

                Javier Lizancos (Zumaiako Urola Itsas-adarreko P.K.) Gizonezko Beterano 55-59 urte

                Iker Lizaso- Maialen Vitoria (Pasaia Kayak 2005 k.K.) K-2 Mixto Kadetea

Javier Lizancos- Jose Mari Villagarcia (Zumaiako Urola Itsas-adarreko P.K.) Gizonezko Beterano 45-49 urte K-2

Brontzea:

                Raul Barba (ATSS) Gizonezko Beterano 55-59 urte

                Jose Maria Yarza- Ramon Vega (Pasaia Kayak 2005 K.K.) Gizonezko Beterano 55-59 K-2

Hurrengo itsas-kayak txapelketa, urriaren 3an, Lekeition izango da, Euskadiko kopako azken proba.