Basque Team-erako beka eskaerak egiteko oinarriak 2023

Written on 22 Otsaila 2023.

Dagoeneko argitaratu dituzte Basque Team Fundazioko beka eskaerak egiteko oinarriak.

Hemen topatuko dituzue.

Ander Elosegiren agurra

Written on 16 Otsaila 2023.

Goi mailan bi hamarkada eman ondoren, Ander Elosegik agur esan dio Goi Mailako Txapelketari. Donostiako Aquariumean egin du, bere familikoak eta bere ingurune hurbilenarekin batera. Olatz Legarza Basque Team-eko koordinatzaileak eta Gorka Iturriaga Jarduera Fisikoaren eta Kirolen zuzendariak kirol-ibilbide oparoa eta pertsona gisa dituen balioak azpimarratu dituzte.

Pekin, Londres, Rio eta Tokyoko Joko Olinpikoetako lau parte-hartze, lau diploma eta domina ugari Munduko eta Europako Txapelketetan dira bere palmaresa. Eta berak prentsaurrekoan nabarmendu duenez, urte hauetan guztietan bizipenak izan dituen pertsonak dira onena eta geratzen denarekin.

Hitzordura, familiaz eta hurbilekoez gain, Xabier Taberna Jokoetako entrenatzailea, Maialen Chourraut, Xabier Taberna teknikariarekin batera, baita Jone Otaño, Jon Ergüin, Joan Crespo eta beste asko izan dira. La Seu de Urgellen kontzentraturik zeuden beste zenbait kirolari eta teknikarik ere agur bideo bat ere bidali  diotelarik. Ekaitz Saies Sprinteko Real Federación Españolako zuzendari teknikoa ere bertan izan delarik.
Guztiek egon nahi izan dute Anderrentzat hain garrantzitsua den une honetan.
Onena opa diogu bere bizitzako aldi berrian.

2023ko egutegia onartua

Written on 14 Otsaila 2023.

Pasaden asteazkena, otsailaren 8an, Euskadiko Kanoe Federakuntzako Ohiko Batzar Orokorra ospatu zen, non besteak beste, 2023ko egutegia onartua izan zen.

2023 Egutiak atalean topatuko duzue egutegia.

Maialen Chourraut Leyenda saria RFEPen Galan

Written on 14 Otsaila 2023.

Joan den larunbatean, otsailaren 11n, RFEPen Urteko Gala egin zen, eta gure kirolari eta teknikari batzuk sarituak izan ziren.
Maialen Chourrautek, Saul Craviotto eta Teresa Portelarekin batera, Leyenda saria jaso zuen.

Xabier Taberna eta Xabier Etxaniz teknikariek, berriz, COEren intsignia jaso zuten.
Zorionak!

Euskadiko Kanoe Federazioko 2023ko Ohiko Batzar Orokorrerako deialdia

Written on 28 Abendua 2022.

Euskal Kanoe Federazioko 2023ko Ohiko Batzar Orokorrerako deialdia luzatzen da. Otsailaren 8ean, telematikoki ospatuko delarik.

EKF-tzako Ohiko Batzar Orokorrerako deialdia

Euskadiko Kanoe Federazioko 2023ko Ez-Ohiko Batzar Orokorrerako deialdia

Written on 28 Abendua 2022.

Euskal Kanoe Federazioko 2023ko ez-Ohiko Batzar Orokorrerako deialdia luzatzen da. Otsailaren 8ean, telematikoki ospatuko delarik.

EKF-tzako Ez-Ohiko Batzar Orokorrerako deialdia

Slalomak denboraldia hasi du

Written on 16 Urtarrila 2023.

San Miguelen Euskadiko Slalomeko Kopako lehengo proba jokatu da.
Kluben sailkapen nagusian, S.D.Santiagotarrakek irabazi du.
Banakako kategorian, senior mailan K-1 eta C-1an Markel Imaz (ATSS) izan zen irabazlea, junior mailan bai K-1ean, bai C-1ean, Aitor Iriondo (S.D.Santiagotarrak) izan zen azkarrena. K-1 eta C-1 kadeteetan, Oier Diaz (S.D.Santiagotarrak) izan zen irabazlea. Beteranoen artean K-1ean, Xabier Taberna (S.D.Santiagotarrak) izan zen irabazlea.
Emakumezkoetan, senior mailan, Nora Lopez (ATSS) izan zen azkarrena bai K-1ean eta bai C-1ean, Haizea Segura (ATSS) izan zen garailea emakumezko junior mailan K-1 eta C-1 mailan. Emakumezko kadeteetan, Ainara Goikoetxeak (ATSS) beste bi urre eskuratu zituen, K-1 eta C-1 mailetan irabaziz.

Ur Bareen denboraldia hasi da

Written on 16 Urtarrila 2023.

Igandean, neguko eguraldiarekin, Ur Lasaien I. Kontrola egin zen Irunen. Irteeran 130 palista baino gehiagorekin,a Nafarroa eta Gaztela eta Leon bezalako autonomia erkidegoetako klubak ere bazirelarik, ohiko 5 kilometroko ibilbidea egin zuten.
Senior K-1 emakumeetan, Irati Osak (Itxas-gain Zumaiako Urola Itsas-adarreko P.K.) irabazi zuen, senior C-1 emakumean, Gema Victoria (Barrika P.T.) izan zen garaile,23 urtez azpiko K-1 emakumezkoetan Josefa Molina (Itxas-Gain Zumaiako Urola Itsas-adarreko P.K.) izan zen azkarrena. Emakume Juniorretan, Ane Amostegi izan zen irabazlea. Kanoan, Ane Eilen Mesa (Barrika P.T.) izan zen lehen sailkatua. Emakume K-1  kadeteetan, Dánae Sanmartin (C.P.Pamplona) izan zen irabazlea.
Gizonezkoetan, senior K-1 mailan, Unai Azkune (Itxas-Gain Zumaiako Urola Itsas-Adarreko P.K.) izan zen irabazlea. Kanoan, Roberto Rivas (S.D.Santiagotarrak) izan zen garailea. 23 urtez azpikoetan, Ibai Martinez (C.N. Pamplona) izan zen lehen sailkatua. 50 urte baino gutxiagoko beteranotan, Iñaki Fernandez (Pasaia Kayak 2005 K.K.) izan zen lehen sailkatua, eta 50 urte baino gehiagotan, Asier Ursua (S.D.Santiagotarrak). Markel Juaristi (S.D.Santiagotarrak) izan zen irabazlea gizon juniorretan K-1 mailan. C-1ean Jesus Bandres (C.P.Pamplona) izan zen lehen sailkatua. Iker Boe (C.P.Antares) izan zen azkarrena K-1 kadete mailako gizonezkoetan. Odei Gelbenzu (S.D.Santiagotarrak) izan zen irabazlea C-1ean. Asier Bulman (S.D.Santiagotarrak) parakanoe mailan aritu zen, lehenengo sailkatuz.

Donostiako Udalak harrera egin dio RCNSSko Kayak Surf taldeari

Written on 05 Urtarrila 2023.

Urtarrilaren 4an, asteazkena, Donostiako Udalak RCNSSko kayak surf taldeko kideei harrera egin die. Izan ere, selekzioen arteko lehian Munduko Txapeldun izendatu ziren eta banakakoan domina ugari lortu zituzten, Erresuma Batuan jokatutako Munduko Txapelketan.

Eneko Goia alkateak RCNSSko piraguistak zoriondu ditu, eta eskerrak eman dizkie urtero berri onak emateagatik hiriari. Horrela izan zen 2022an Budeko Munduko Txapelketan, gaur hona ekarritako dominek erakusten duten bezala. Horregatik, ohore handia da munduko hainbat eta hainbat txapeldunez inguratuta egotea. Eskerrik asko hiriaren enbaxadore ezin hobeak izateagatik

Ildo horretan, Goiak gaineratu du ziur nagoela 2023an ere erronka handiak izango dituzuela aurretik. Ziur egon erronka horietan hiri oso bat animatzen izango duzuela.

Odei Etxeberriak eta Olatz Garmendiak, Open Short Boat kategoriako munduko txapeldunak, oroigarri bat jaso dute Eneko Goia alkatearen eskutik, eta, gainerako zinegotziekin batera, txalo bero bat eman diete ordezkaritza osoari.